Ներկայացնում ենք հասարակագիտական ֆլեշմոբի, նոյեմբեր ամսի առաջադրանքները:
Պատասխանները կարող եք ուղարկել v.toqmajyan@mskh.am, v.toqmajyan@gmail.com հասցեներով, նախապես նշելով բնակության վայրը և դպրոցը:
1. Ներոն կայսրի կառավարման շրջանում շատերը մահապատժի ենթարկվեցին և դա ոչ մեկին չէր զարմացնում: Միայն հարուստ քաղաքացի Վատտիոսի մահը զարմացրեց շատերին: Ինչո՞ւ:
2. Ո՞րն էր 1899 թվականին ԱՄՆ-ի արտոնագրային բյուրոյի ղեկավարի հրաժարականի պատճառը:
3. 1936 թվականին անգլիացի մի գյուտարար ստեղծեց սարք, որի ներկայացման ժամանակ հայտարարեց, որ Բրիտանիան նորից դարձավ կղզի:
Ո՞ր սարքի մասին է խոսքը:
4. Միջին դարերում մարագները և պահեստները կառուցում էին գյուղից դուրս: Ինչո՞ւ:
5. 1940-ական թվականների սկզբին գլոբուսներ պատրաստող անգլիական ընկերությունը պատվերներն ընդունում էր մի վերապահումով` կկատարվի … հետո:
Ինչի՞ց հետո:
6. Ինչո՞ւ չի գտնվել որևէ չկեղծված փաստաթուղթ, որը թվագրված լինի՝ Քրիստոսի ծննդից 333 տարի հետո:
7. Ըստ Ձեզ, քաղաքացիական ի՞նչ
իրավունքներ և ազատություններ ունի 14 տարեկանը լրացած քաղաքացին։ Օրինակ, նա կարո՞ղ
է կազմակերպել նստացույցեր, դասադուլներ։ Պատասխանն հիմնավորել։
8. Բավականին տևական ժամանակ
է, ինչ ծավալվում է վեճ, հետևյալ երկու հասկացությունների շուրջ՝ կեցությունն է որոշում
գիտակցությունը և գիտակցությունն է որոշում կեցությունը։ Ըստ Ձեզ, ո՞ր պնդումն է ավելի
ճիշտ։ Պատասխանը հիմնավորել։
9. Փոր ձե՛ք մեկնբանել ստորև
բերվող ասույթները.
«Մարդը հասարակությունից դուրս
կա՛մ Աստված է, կա՛մ գազան»: (Արիստոտել)
«Մարդն ավե լի վատ է կենդանուց, երբ վերածվում է կենդանու»: (Ռոբինդրանաթ Թագոր)
10. Ամերիկյան կոմեդիկ մուլտսերիալներից
մեկում, մի կազմակերպության աշխատակիցներ, օգտագործում են շարժական փոքրիկ վագոնները,
սառը պաղպաղակ հրամցնելու համար։ Անվանեք այդ կազմակերպությունը։
11. Ըստ Ձեզ, 1917 թվականի նոյեմբերի
2-ին տեղի ունեցած գործընթացը, որը կազմակերպվել էր բոլշևիկյան կուսակցության կողմից,
հեղափոխություն էր, թե՞ հեղաշրջում։ Մեկնաբանեք այդ երկու հասկացությունները, իսկ սեփական
կարծիքը ներկայացնելիս հիմնավորեք այն։
Комментариев нет:
Отправить комментарий